Kapin 40 ka mga Badjao nga nasapupo sang Siyudad sa idalum sang "Oplan Sapupo Badjao" , ginpabalik na sa Mindanao

Ginpabalik na sa Mindanao ang una nga batch sang mga Badjao nga ginpangsapupo sang City government pinaagi sa “Oplan Sapupo Badjao” nga ginapangunahan sang Public safety and Transportation Management Office ukon PSTMO.

Ginpahayag ni Mr. Jeck Conlu, head sang PTSMO nga kapin sa 40 ka mga badjao ang ila nasapupo kahapon kag ginkumbense nga mapuli sa ila lugar sa MIndanao.

Matapos ang pag-istorya sa mga badjao, gin-facilitate mismo sang nasambit nga opisina upod sa City Social Welfare and Development office ang kinahanglanon sang mga ini lakip na ang pagpasakay sa ila sa RORO pabalik sa Mindanao.


Nahibaluan nga ginmandu ni Mayor Joe Espinosa III ang pagpangsikop sang mga badjao para sa katinlo sang siyudad kag para man sa kaayuhan sang mga ini.

Facebook Comments