Kapin 40 mil ka pesos nga kantidad sa drogang shabu, nakompiska, wanted nga nagpayuhot niini, nadakpan

32
Malampusong nasakote sa mga kapulisan ang wanted nga tigpayuhot sa illegal nga droga samtang nakompiska ang kapin P40,000.00 nga kantidad sa drogang shabu atol sa pag-implementar sa search and seizure warrant pasado ala 1:52 sa hapon Domingo, Hulyo 24, 2022 didto sa lungsod sa Kalilangan, Bukidnon.

Giila ang suspek nga si Reymark Anden, 42 anyos, Top 6 Most Wanted Person sa probinsya, minyo, laborer, ug residente sa maong lungsod.

Nasikop ang maong suspek pinaagi sa search and seizure warrant number RTC-OCC-47-22, nga gi-issue ni Isobel G. Barroso, Executive Judge sa RTC 10, Branch 8, Malaybalay City, pinitsahan, Hulyo 20, 2022.

Narekober gikan sa suspetsado ang nagkadaiyang drug paraphernalia lakip ang mga pakete sa gituohang drogang shabu nga mitimbang og kinatibuk-ang sais (6) gramos.

Gidala na karon sa Kalilangan Municipal Police Station ang dinakpang suspetsado lakip ang mga nakompiskang ebidensya nga iturn-over sa Bukidnon Provincial Forensic Unit 10, Malaybalay City alang sa eksiminasyon.

Samtang mag-atubang sa paglapas sa Section 11, Article II sa RA 9165 kon Comprehensive Dangerous Drugs Act of 2002 ang dinakpang suspetsado.

Facebook Comments