Kapin 400 nga mga biktima sa sunog, temporaryong misilong sa Macabalan Elementary School

20
PC: RadyoMaN Anne Jane Duhaylungsod

Temporaryo nga misilong sa Macabalan Elementary School covered court ang kapin 400 nga mga biktima sa sunog kagahapong adlawa sa Mulmac, Macabalan ning syudad.

 

Matud ni Maria Analene Delima sa City Social Welfare and Development kon CSWD ug Child Development Center sa Parola Macabalan, nga 57 ka pamilya ang ilang na interview kagabei ug adunay 228 ka indbidwal.


 

Nasayran nga adunay partially damage nga lima ka pamilya nga adunay 29 ka indibidwal, 39 ka sharer family nga adunay 54 ka indibidwal, tulo ka Person with Dissability kon PWD, 134 ka mga bata, 16 ka senior citizens, ug duha ka buros, nga mosuma total sa 103 ka pamilya ug 411 ka indibidwal.

 

Dugang pa ni Delima, nga sukad kagabei nakatunol na ang CSWD og banig, baso, plato, ug uban pa.

 

Samtang giasikaso sa City Social Welfare and Development kon CSWD ug Barangay ang pamahaw sa mga biktima sa sunog kagahapong adlawa.

 

Matud ni Maria Analene Delima sa CSWD, nga mi-donate og tubig ang Presidente sa Mulmac alang sa mga biktima.

 

Dugang pa ni Delima nga ang problema karon sa mga biktima mao ang balde ug kabo nga ilang gamiton, kaldero, kalha, tsinelas, sabon, sinina sa bata, ug dugang banig.

 

Tungod niini naghangyo karon sa Delima sa katawhan nga buot motabang sa mga biktima nga ideretso na lang sa paghatud sa covered court sa Macabalan Elementary School ang ilang mga tabang aron kini nga maapod-apod ngadto sa mga biktima.

Facebook Comments

From Advertisers