Kapin 50% health workers sa Davao Region nabakunahan na batok COVID-19

Davao City – Gibutyag sa Department of Health (DOH)-XI nga katunga na sa kinatibuk-an nga ihap sa mga eligible health care workers sa rehiyon ang nabakunahan batok Coronavirus Disease 2019 (COVID-19).

Atol sa One Davao on COVID-19 Virtual Presser, gibutyag ni Dr. Janis Olavides, DOH-XI Vaccination Team Leader sa COVID-19 Vaccination Program, anaa sa 77,570 ka health care workers sa Davao Region ang eligible sa vaccination.

Sa maong ihap, 40,898 niini ang nabakunahan na o anaa sa 52.7% sa targeted eligible medical frontliners.


Gibutyag usab ni Dr. Olavides nga anaa na sa 93% consumption ang bakuna nga niabot na ug unang nahatud sa nagkadaiyang probinsya sa Davao Region

There’s still on going vaccination activity. So, we’re expecting that more of our target eligibles will be vaccinated pa po for this week and some will be for next week,” segun ni Olavides.

Samtang, ang 14,400 Coronavac COVID-19 vaccine doses nga miabot kagahapong adlawa (Abril 7, 2021) , i-alokar sa padayong ginapahigayong COVID-19 vaccination.

RadyoMaN Kirby Manzon

Facebook Comments