Gibana-banang naa sa kapin 63-mil pesos ang kantidad sa shabu nga nakumpiska sa kapulisan sa Cagayan de Oro gikan sa tulo ka drug pushers.
Kini atol sa gihimong drug buy bust operation sa Westbound Terminal sa Barangay Bulua ning syudad mga alas 8:30 kagahapon sa buntag.
Ang tulo ka mga suspek mao silang Raymond Lacaba, 30 anyos, ulitawo, Alvin Flores, 26 anyos, ulitawo ug Reyna Loong, 39 anyos, balo nga puros taga Barangay Santiago, Iligan City.
Ang mga suspek napalitan sa usa ka sachet sa gituohang shabu gamit ang 1,500 pesos nga buy bust money ug nakuhaan sa laing usa pa ka dakong sachet nga nitimbang sa nuybe gramos.
Ang operasyon gihimo pinaagi sa hiniusang pwersa sa kapulisan sa City Drug Enforcement Unit ug Crime Against Person and Property Desk.
