Kapin 70 ka rebel returnees misurender

Davao City – Gitunol ngadto sa 76 ka mga rebel surrenderees nga mitahan sa sabakan sa gobyerno ang ilang madawat nga financial assistance ganinag buntag nahitabo sulod sa usa ka dakong hotel sa dalang Magallanes.

Gipangulohan ni Davao City Mayor Sara Duterte-Carpio ang Awarding Ceremony sa Enhanced Comprehensive Local Intergration Program (ECLIP) benefits and Davao City Firearms Remuneration for Former Rebels diin tagsa-tagsang gipangtunol ang tseke ngadto sa mga kanhi rebeldeng benepisyaryo.

Segun ni Duterte nga makadawat og P50,000 ang mga mitahan isip livelihood assistance ug laing P15,000 isip immediate assistance samtang aduna silay dugang madawat nga P25,000 alang sa misurender og short firearms ug P50,000 alang sa long firearms ilawom sa Davao City Firearms Remuneration of Former Rebels.


Sa iyang mensahe, gisugyot sa alkalde ngadto sa mga kanhi rebelde nga gamiton og tarong ang ilang kwarta ug huna-hunaon kung unsaon pagpadaghan niini diin ibutang sa pagplano ang pamilya aron dili na maglisud pa samtang gipasalamatan usab niini ang mga nanurender alang sa partisipasyon sa pagkab-ot sa hingpit nga kalinaw dili lang sa Mindanao apan sa tibuok nasud Pilipinas.

Gipasabot ni 1003rd commader Brig. Gen. Ernesto Torres nga temporaryong mopuyo sa Kalinaw Village kun halfway house ang maong mga rebelde diin kini mupailawom sa mga skills development program aron panahon nga mugradwar na sila, hatagan kini og certificates aron gamiton sa pagpangempleyo sa dakbayan.

RadyoMaN Jason Amisola

Facebook Comments