Kapin sa kwatro syentos ka mga residente sa Barangay Matugas Alto ug Barangay Guintomoyan sa Jimenez, Misamis Occidental ang mibakwit human sa nahitabong engkwentro tali sa tropa sa militar ug gituohang miyembro sa New People’s Army niadtong Lunes sa Buntag.
Sumala ni OIC Chief of police sa Jimenez Municipal Police Station Senior Inspector Eurie Dacy Revillas, nga nanghiklin ang mga residente sa maong mga barangay human nga nadungog ang pipila ka buto sa armas.
Sa nakuhang impormasyon sa RMN Iligan, nga una nang nahitabo ang engkwentro niadtong Lunes sa hapon human nga nadawat sa militar ang taho sa mga civillian sa presensya sa armadong kalalakin-an sa Barangay San Juan, Panaon.
Gilayong mihimo ug operasyon ang mga tinugyanan sa 10th Infantry Battalion ubos sa pagdumala sa Battalion Commander nga si LTC Ryan Severo.
Matud pa, nga ang maong engkwentro nagresulta sa pagka angol sa mga gituohang miyembro sa NPA.
Samtang niadtong Martes (November 6, 2018) usa ka hot pursuit operation ang gilunsad sa 14 DRC (Division Reconnaissance Company) ilalum sa 10th Infantry “Steady On” Battalion kun asa usa ka sundalo ang na angol samtang dunay gikatahong namatay sa grupo sa mga armadong kalalakin-an.
Narecover usab sa mga tropa sa gobyerno ang duha ka mga AK47 rifles, usa ka M16 nga dunay M203 grenade launcher, usa ka rifle grenade, blasting caps, IEDs, mga medical supplies ug mga bala.
Sa karon, matud pa ni Senior Inspector Revillas, nga nakontrolar na sa tropa sa gobyerno ang maong panghitabo diin padayon gihapon nga anaa sa mga evacuation center ang mga mikalagiw nga mga residente.
| | Virus-free. www.avast.com |
