Davao City- Nabulabog ang kapin usa ka libo nga mga residente sa siyam ka mga Brgy dinhi sa syudad sa Davao sa gipahigayong Oplan Bulabog kaganinang buntag.
Base sa report sa Davao City Police kun DCPO, 1,891 katawo ang gipailawum sa profiling diin 1, 347 niini ang dunay identification card kun IDs samtang 209 ang walay IDs ug 12 ang IDPs gikan Marawi City.
Naka-issue usab og unom ka mga citation tickets ang kapulisan, usa ka motorsiklo ang na-impound samtang tulo ka mga tawo ang naaresto nga dunay Warrant of Arrest nga giilang si Jimmy S. Orcullo tungod sa kasong pagpangawat, Saldy G. Pinag tungod sa pagsupak sa RA 9262 kun “Anti-Violence Against Women and their children (VAWC) Act of 2004 ug Arnel C. Tenava sabayolasyon sa City Ordinance 0367-12
Gisugdan ang Oplan Bulabog kun Joint Major Anti-Criminality and Terrorism Operations kaganinang alas 6 sa buntag ug nahuman alas 8:55 sa buntag nga gihimo sa DCPO kauban ang TF Davao, RPSB, PCG, RMU, NICA, NBI, CDIG UG RIU Region XI.
Gilusad ang maong operasyon sa mga area sa Police Station 1 ngadto sa Police Station 10 dinhi sa syudad sa Davao.
RadyoMan Renz Barbarona
