Kapin P69M nga kantidad sa droga, nakompiska sa PNP-10 karong tuiga

39
Mukabat sa kinatibuk-ang P69,123,000.00 ang kantidad sa drogang shabu nga nakompiska sa mga kapulisan sa Rehiyon X karong tuiga.

Kini ang gibutyag ni PLTCOL. Michelle Olaivar, Spokesperson sa Police Regional Office (PRO)-10 atol sa interview sa RMN DXMB Malaybalay.

Sumala ni Olaivar nga bahagya nga miubos ang maong kantidad sa drogang nakompiska karong tuiga kung itandi sa milabayng tuig.

Kini sumala pa gumikan sa rason nga nilie-low ang mga drug personalities gumikan na usab sa kahadlok sa operasyon sa gobyerno batok sa illegal nga droga.

Dugang niya nga bisan paman sa pag-ubos, dako gihapon nga kalampusan ang maong nakompiska gumikan sa nasinatiang pandemya.

Dugang ni PLTCOL. Olaivar nga kung wala nakompiska ang maong kantidad sa droga daghan nga kinabuhi ang makalas gumikan niini.



Mitimbang sa kinatibuk-ang 9,985.78 grams sa shabu ang nakompiska gikan sa Enero hangtud Disyembre 27 ning tuiga.

Apan gisulti ni Olaivar nga bisan dili in-ana ka dako ang kalampusan karong tuiga itandi sa milabayng tuig, padayon gihapon ang operasyon sa mga otoridad ilabi na sa mga Barangay Anti-Drug Abuse Council (BADAC).

Facebook Comments