Kapin sa 36 ka business establishment sa Brgy. Patag kag Guimbalaon sa Silay wala sang nagakaigo nga building permits

25

Kapin sa 36 ka mga establishments sa Brgy. Patag kag Guimbalaon sa Silay City ang natalana ipasira kun indi makahingagaw proceso sang nagakaigo nila nga mga dokumento.


Tinalikdan nga Hulyo 25 sang nag-inspection ang Joint Inspection Team sang Silay City sa mga kapehan, resorts kag iban pa nga business establishments sa nasambit nga mga barangay kag natumod nga ang kapin 36 ang wala sang mga building permits, occupancy permits, discharge permits kag wala nagabayad sang buhis sa ciudad. Bangud sini, sila ang ginserbehan sang Notice of Violations.

Sa interview sang DYHB kay Mayor Mark Golez, ginpahayag sini nga tubtob Agosto 10, 2020 ang plaso para sa nasambit nga mga establishments agud maproseso nila ang ila mga dokumento kag kun indi sila makahingagaw, ipasira ang ila mga negosyo.

Apang suno kay Golez, naga-cooperate man ang mga tag-iya sa city government kag willing ang mga ini nga mangin legal ang ila mga ginpatukod nga negosyo gani magabulig ang ciudad agud nga makakuha sila sang nagakaigo nga permiso gikan sa Protected Area Management Board (PAMB) nga amo ang nagapahanugot sa pagtukod sang mga negosyo kag istruktura sa nasakupan sang Northern Negros Natural Park (NNNP).

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments