Kapin sa duha ka kilo sang ginapatihan shabu nga nagabalor 13.6 million pesos nakumpiskar sa tatlo ka persona sa Barangay Singcang syudad sang Bacolod

56

BACOLOD CITY – Kapin sa P13.6 milyon pesos ukon duha ka kilo sang ginasuspetsuhan shabu ang nakumpiskar sa drug buy bust operation sang Philippine National Police (PNP), Drug Enforcement Group Special Operations Unit 4 kag 7 sa JR Torres Subdivision, Brgy. Singcang syudad sang Bacolod mga las 6 sini nga gab-i.

Ginkilala ang mga nagkaladakpan nga sanday; Jun Mark Ibe, 28 anyos, Regine Arroz, 28 anyos sang nasambit nga lugar kag ang kabulig sa balay nga Sheila si Mhary Balarao, 35 anyos, sang Brgy. Palaka banwa sang Pulupandan.


Nakuha ang 20 ka dalagko nga putos kag tatlo ka mga bulto sang ginsuspetsuhan shabu, kwarta kag digital nga kilohan.

Sa inisyal nga imbestigasyon, ang nakumpiskar nga shabu ang gin-alegar nga ginpadala bilang package nga nakasulod sa karton sang gatas halin sa Metro Manila kag sini gid lamang nga adlaw ginkuha sa isa ka bodega sa reclamation area.

Detinado sa karon sa custodial facility sang Police Station 8 ang tatlo ka mga nadakpan.

[image: image.png]




Facebook Comments