Kapin sa usa ka libo ka mga pulis ang mobantay sa seguridad sa mga lugar nga adtoan ni Presidente Rodrigo Duterte sa duha ka adlaw niini nga mga kalihukan dinhi sa Sugbu sugod ugmang adlawa .
Si Police Regional Office-7 Director , Chief Supt . Robert Quenery nibutyag nga gimanduan na niya ang kapolisan sa dakbayan ug lalawigan sa Sugbu sa pag-andam sa igong gidaghanon sa mga pulis nga mohatag ug seguridad .
Dinhi sa syudad sa Sugbu motambong si Presidente Duterte sa opening sa Philippine National Games diha sa Cebu City Sports Center ugma Mayo 19.
Sa maong adlaw , moadto usab siya sa Barangay Montpeller sa lungsod sa Alegria habagatang Sugbu aron motambong sa inagurasyon sa oil ug gas extraction sa maong lugar .
Sa Dominggo sa Mayo 20 moadto siya sa lungsod sa Tabogon nga magsaulog usab ilang kapistahan sa maong adlaw .
