Kapin usa ka gatus nga mga iring ug iro ang malampusong nakapon ug na-ligate sa mga personahe sa Provincial Veterinary Office.
Kini gikan sa nagkadaiyang munisipyo sa Misamis Oriental ning ikaduhang quarter sa tuig 2018.
Sa 129 nga ihap, 115 niini mga iro ug 14 ang mga iring.
Matud ni Provincial Veterinarian Dr. Benjamin Resma nga tumong niini nga ma-control ang gidaghanon sa maong mananap sa lalawigan kinsa maoy usa sa hinungdan sa disgrasya sa kadalanan kung dili mabantayan sa mga tag-iya.
Dugang pa sa opisyal nga sa karon, ila pang gihan-ay ang sunod nga pagpang-ligate ug pangpangapon tungod kay nag-agad lang sila sa mga volunteer veterinarians gikan sa Manila, Cebu, Zamboanga, Camiguin ug Malaybalay City lakip na sa Impasug-ong, Manolo Fortich, Bukidnon ug Basilan.
