Kapitan nga nalutsa sa Warrant of Arrest, gidakop

40

Josefina, Zamboanga del Sur – Gikustodiya karon sa Josefina Municipal Police Station detention cell ang usa ka Barangay kapitan human kining nadakpan sa gilusad nga police operation sa Upper bag-ong Tudela, Josefina Zamboanga del Sur.
Giila ang dinakpan nga si Dante Soronio, 46 -anyos, Barangay kapitan sa Upper bag-ong Tudela, Josefina niining probinsya.
Gidakop ang akusado pinisikad sa gahom sa warrant of arrest sa kasong paglapas sa section 5 sa Akta Republika 9262 kun ANTI-VIOLENCE AGAINST WOMEN AND THEIR CHILDREN ACT OF 2004.
Ang warrant of arrest nga dala sa kapulisan pinirmahan ni Jaime Caberte, Presiding Judge, Regional Trial Court, Branch 23, Molave, Zamboanga del Sur.
Ang dinakpan nga kapitan gitugutan sa korte nga makapyansa sa kantidad nga 36, 000 bugti sa temporary nga kagawasan niini.

Facebook Comments