Pontevedra, Capiz – Hugot nga ginpanginwala ni Kapitan Resty Oquendo sang Barangay Hipona, Pontevedra, Capiz nga wala sang nagapakita nga kapre sa mga LSIs nga yara sa quarantine facility sa amo nga barangay. Suno kay Oquendo, sa kadugayon na sini nga kapitan sa amo nga barangay wala ini sang may nabalitaan nga may presensya sang kapre ukon agta sa ila lugar. Posible suno sa iya nga nagadamgo gid lamang ang nagpalapta sang nasambitan nga isyu. Bilang solusyon, gindisesyonan na lamang nila nga paupdan sa iya himata ang nasambitan nga dalaga nga LSI nga halin sa Metro Manila. Ginpasiguro naman ni Kapitan Resty Oquendo nga separado ang hulot nga teniran sang mga ini tubtob nga matapos ang quarantine period sang nasambitan nga dalaga nga LSI.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
