Giangkon ni Barangay Cugman Kapitan Ricardo Pacheco nga adunay kapin sa libo ka mga evacuees sa Cugman Elementary School nga iya kining giatiman ug gipakaon.
Matud ni Kapitan Pacheco nga kung adunay moanha sa barangay ug mangayo og tabang, iya kining matabangan apan kutob ra sa iyang mahimo.
Giangkon usab ni Kapitan Pacheco, nga wala siya makahatag og ayuda para maayo sa mga residente ang ilang mga panimalay, kondili pagkaon lang.
Giklaro usab ni Kapitan Pacheco nga iya usab nga gigamit ngadto sa mga biktimang residente ang giingon nga 5 percent calamity fund, ug ang 70% niini ng gagamiton usab alang sa preparedness program.
Mahinumduman nga pipila sa mga residente sa Kalye Pogi ug Dades compound Zone2-b riverside ang mireklamo, human nga wala silay nadawat bisan gamay nga tabang gikan sa barangay.
By: RadyoMaN Mishelle Mesias-Enloran
