Mitingog na si San Antonio, RTR Barangay Captain Benito Salvani, Jr. human maapil ang iyang pangalan sa Narcolist nga gipublikar sa Philippine Drug Enforcement Agency (PDEA)
Matud sa opisyal dismayado siya human iyang nahibaloan nga naapil siya sa listahan tungod kay wala matud pay kamatooran ang maong isyu nga siya nalambigit sa droga.
Luyo pa man nga gilambigit ang pangalan ni San Antonio RTR Brgy. Captain Benito Salvani, Jr. apan wala siyay planong mosibog sa iyang kandidatura sa pagkabarangay kapitan sa umaabot Mayo 14.
Niya pa wala siya mahadlok sa maong alegasyon ug aduna siyay nawong nga moatubang sa mga tawo tungod kay wala matud pay kamatooran nga siya nalambigit sa illegal nga droga.
Alang kaniya kung mosibug siya sa kandidatura timaan lamang nga giangkon niya nga tinoud ang maong alegasyon.
Andam usab pamatud-an ni Kap. Salvani nga siya inosenti sa pasangil kung moabot na sa korte ang kaso batok kaniya.
Madumduman nga niadtong lunes, gipangalan sa PDEA ning sibyahan si Kapitan Salvani nga gikaingong nalambigit sa illegal nga droga ug gikatahong pasakaan kini nila ug kaso.
photo: RTR PNP during the signing of election covenant
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
