Kapulisan, blangko pa sa duha ka suspek nga nagluthang sa isa ka persona sa Brgy Pondol, President Roxas!

President Roxas, Capiz – Blangko pa tubtob sa subong ang mga kapulisan sa banwa sang President Roxas angut sa suspek nga nagluthang sa biktima nga si Loduvico Barugo, 34 –anyos ang pang-edaron samtang ini ang nagasakay sa motorsiklo kahapon sang aga sa Brgy Pondol banwa sang President Roxas.
Ang amu nga biktima ang nag-angkon sang pilas sa iya lawas nga sa subong ang yara na sa hilway nga kondisyon kag ginabulong sa Roxas Memorial Provincial Hospital.
Suno sa hepe sang President Roxas PNP nga amo si Police Captain Hilbert Gervero, ginasubay ni Barogo ang dalan sa Barangay Pondol sakay sa iya motorsiklo padulong sa gina-obrahan nga punong sa Barangay Casanayan, Pilar, Capiz sang nasugata ang duha ka mga suspek nga nakasakay sa motorsiklo.
Ginpahayag ni Kapitan Analiza Bacli sang Brgy Sangkal, President Roxas, wala ini sang nahibaluan nga atraso si Barugo kag tuman ini ka aktibo nga barangay tanod.
Narekober sang mga kapulisan ang empty shell sang caliber .45 pistol sa lugar nga ginluntaran sang insidente.

Facebook Comments