Kapulisan, magpatuman og hugot nga seguridad atol sa pag-abli sa paskohan 2019 sa syudad

27

Pagadian City – Dungan sa nagkaduol nga kasaulogan sa kapaskohan, gibutyag ni Pagadian City Police Station Chief Police Lt. Col. Alvin Saguban nga iya ng gimandoan ang iyang tropa nga kinahanglan alerto ug magbinantayon sa pagpatuman og seguridad sa publiko batok mga kriminal nga sagad mogara niining panahona.
Sumala sa hepe atol usab sa pag-abli Paskohan 2019 sa dakbayan karong petsa 13 ning bulana, dunay mga guidelines ug procedures nga ipatuman sa pulis sa matag tawo nga motaak sa plaza niinang adlaw diin lakip na ang pagbawal sa mga pipila ka butang sama armas, hait nga hinagiban, kalo, bag pack ug uban aron nga masiguro ang kaluwasan ug seguridad sa publiko.
Gikanayon pa sa hepe nga ilang sirad-an ang pipila ka kalsada sa sentrong bahin sa syudad tumong alang sa hapsay nag dagan sa trapiko.
Lakip nga motabang sa kapulisan ang pipila ka mga volunteers, Barangay tanod ug estudyante sa criminology.


Facebook Comments