KAPULISAN MAY MOTIBO NA SA PAGPUSIL PATAY KANG BALUAN KAGAWAD MAMALUMPONG!

22

General Santos City– Aduna nay motibo ang kapulisan bahin sa pagpusil patay sa usa ka Barangay Kagawad sa Baluan.


Nasayran nga dili pa direktang ikabutyag sa otoridad kung unsa kini Apan may lead na sila sa kaso. Sa karon padayon ang ginahimong imbestigasyon sa kapulisan sa pagpusil-patay kang Brgy. Baluan Kagawad Abdulmajid Mamalumpong, alas 8:00 pasado ang takna sa buntag kagahapong adlawa sa may Bautista St.,Brgy. North Ning dakbayan sa Gensan.

Sumala ni Police Lt. Miguel Qudilla, Deputy Station Commander sa Police Station 1 nga nipalit lang ug LPG ang biktima uban ang pag-umangkon niini dihang gipusil sa riding in tandem criminals.

Sa karon, ilaha na matud pang ginasuta ang tanang CCTV sa lugar aron masayran kung nakuhaan ug hulagway ang mga suspek nga paspas nga misibat palayo sa lugar.

Dugang pamahayag ni Lt. Quidilla nga aduna na silay motibo nga ginatan-aw sa maong krimen ug tanang anggulo ang ilahang gina-imbestigahan.

Subay matud pa sa pamahayag sa pamilya sa biktima nga daan ng nakadawat ug bahad sa kinabuhi si Kagawad Mamalumpong apan wala gibutyag kung si kinsa ang nagbahad kaniya.

Kahibaluan nga bag-uhay lang milingkod isip kagawad sa barangay Baluan si Kagawad Abjulmajid human gipusil-ptay ang igsuon niinung si Kagawad Omar Mamalumpong lima ka bulan na ang nakalabay.(LVR)




Facebook Comments