Ang kapulisan karon dinhi sa Zamboanga del norte mitabang na sa kampanya may kalabot sa paglikay sa mgaguinadiling pabuto para karong umaabot nga bag-ong tuig.
Una niini hugot gayud nga nagpahimangno ang taga Department of Health nga dili gayod mo gamit ug mga illegal nga mga pabuto aron sa ingon nga luwas ug layo sa risgo.
Halos naman kada tuig naghimo ang DOH sa maong kampanya ngadto sa mga katawhan uban sa pakigtimbayayong sa mga person in Uniform sama sa Police, kasundaluhan, taga BFP ug uban pang hingtungdan ahensya.
Karon nga tuig 2018 ang tema sa taga DOH mao ang Iwas Paputok, Firecrackers ang Patok., gani giangkon sa taga DOH kun wala ang mga kapulisan maglisod gayud sila tungod kay ang mga pulis mao gayud ang mo himo sa pagpangkumpiska sa mga illegal nga pabuto.
Dihni sa dakbayan sa Dipolog medyo wala pa kaayo’y mga naka display nga mga pabuto diha sa ilang mga designated area para sa pagpamaligya.
Kini karon ang gibantayan sa kapulisan sa Zamboanga del norte sa Pagpanguna ni Provincial Director PSSUPT Michael Macapagal aron sa ingon nga luwas gayud ang katawhan sa dili maayong epekto sa mga pabuto
Samtang sa laing bahin kanunay usab ang pagbantay sa kapulisan sa tanang mga pampublikong lugar ug ilabi na sa ilang mga stasyon tungod kay una nang gibutyag sa NPA nga maghimo kini sila ug pangpangatake.
