Kapulisan nagpahinumdum sa implementasyon sa Election Gun Ban

Nagpahinumdum gihapon ang kapulisan sa probinsya ug tibook rehiyon 9 ngadto sa publiko labot sa padayong implementasyon sa Philippine National Police gun ban sa Commission on Election (Comelec).
Sa nahipos nga impormasyon sa RMN-DXPR, epektibo pa gihapon ang gun ban hangtod Hunyo 12 niining kasamtangan nga tuig.
Pahimangno sa PNP Rehiyon 9, nga likayan ang pagdala ug armas sa gawas sa balay ug sa bisan asa nga lugar.
Gidugang niini ang tambag ngadto sa expired na ang lisensiya sa armas, mamahimo kining ipakustodiya sa pinakadool nga Police Station.
Batay sa datos, miabot sa 95 ang nadakpan sa Region 9 sukad niadtong Enero 13, 88 niini pulos sibilyan, upat sa miyembro sa lain-laing government security forces ug tulo pulos opisyal sa gobyerno.
Mototal sa 917 ang deadly weapons ang nakumpiska , 16 ka Granada, 22 ka Improvised Explosive Devices (IEDs), 874 ang ihap sa mga bala ug lima ka hait nga hinagiban.

Facebook Comments