Nakita ni Councilor Romeo Calizo nga dunay kulang sa security plan sa kapolisan ning syudad.
Kini nakita ni Calizo human sa sunod-sunod nga pagpangambush kang Police Supt. Michael John Deloso ug kagawad Jonathan Joseph Borja sa Barangay 3.
Si Calizo nga Chairman sa Committee on Police fire and Public Safety sa City Council mi-ingon nga posibling wala makita sa liderato ni City Director, Senior Supt. Nelson Aganon ang pagdagan sa mga loose fire arms ning syudad nga posibling maoy gigamit sa mga suspek sa ilang pag-ambush ni Deloso ug Kagawad Borja.
Apan matud ni Calizo nga wala na kinahanglana ang dugang balaod aron mapaundang ang susamang mga insidente.
Gibutyag ni Calizo nga ang gikinahanglan niini ang brainstorming lamang sa mga city ug police officials aron mapangitaan sa paagi unsaon nga dili na ma-usab ang sunod-sunod nga pagpangambus ning syudad.
Pabor si Calizo nga i-dili na alang ni bisan kinsang driver sa motorsiklo paggamit sa helmet aron dili kini magamit sa mga suspek silbing maskara sa ilang himoon nga mga krimen.
