Nagpabilin nga alerto ang mga kapulisan sa probinsya sa Bukidnon sa umaabot nga adlaw sa Undas bisan paman mimando ang probinsyal nga pangagamhanan sa Bukidnon nga pasirad-an ang mga pampubliko ug pampribadong sementeryo.
Kini nga lakang pagpakig-alayon sa kamanduan sa Police Regional Office-X mahitungod sa pagsiguro sa kaluwasan sa mga mubisita sa ilang mga minahal sa kinabuhi karong umaabot adlaw sa Undas.
Gikatahong kapin kon kulang 3000 ka mga pulis ang ipangkatag sa mga pampubliko ug pampribadong mga sementeryo sa entiro rehiyon alang sa pagsiguro sa kaluwasan sa mga mubisita sa ilang mga minahal sa kinabuhi nga mitaliwan na sa laing kalibutan.
Sumala ni PBGEN. Rolando B. Anduyan, sa Police Regional office-X nga mimando na siya ngadto sa mga kapulisan sa nagkadaiyang dapit sa rehiyon sa pagsiguro sa kaluwasan sa katawhan gikan sa mga dautang kalihukan sa pipila ka miyembro sa katilingban nga nagtinguha sa mga dautang binuhatan sa ilang isig-kaingon.
Sa pikas nga bahin, mipagawas usab og kamanduan ang National Inter-Agency Task Force (IATF) mahitungod sa mga sumbanan aron nga mahilikay sa pagkatag sa sakit nga Covid-19 ilabi na ang paghikaw sa bisan unsa nga panagtapok sa katawhan.
