Sa pamahayag ni PMAJ. Jiselle Longakit, Police Provincial Office (PPO) Spokesperson atol sa interview, gibutyag niini nga mipahigayon na sila og panagtigum kabahin sa seguridad sa campaign sortie ni Presidential candidate Ferdinand “Bong-Bong” Marcos Jr. uban sa iyang tandem pagka-Bise Presidente nga si Sara Duterte.
Pagsiguro ni Longakit nga magmalinawon ang campaign rally sa Uniteam diri sa Bukidnon uban sa mga nagkadaiyang lokal nga pangagamhanan.
Dugang pa niya nga ang pag-obserbar usab sa minimum public health protocols ug peace and order usa sa mga ginatutukan sa kapulisan sa probinsya sa pagkakaron.
Una na nga gikompirmar ni JV Cabrera, Regional Coordinator sa Team BBM-Sara Duterte UniTeam Region-10 ang ipahigayong rally ugmang adlawa. Kini usab sumala pa ang pinakaunang grand rally sa UniTeam diri sa Rehiyon-10.
Panawagan usab sa kapulisan ngadto sa katawhan nga mokooperar ug mamahimong vigilante batok sa bisan unsang dautang kalihukan aron nga magmalinawon ang ipahigayong grand rally sa UniTeam.
