Kapulisan sa Davao gibansay vs suicide bombing

Davao City – Gisukod ang kahanas sa kapulisan ug uban pang law enforcement units sa Davao atol sa Simulation Exercise karong hapon.

Ang scenario usa ka suicide bomber diin anaa sa lawas niini ang eksplosibo ang niataki sa barracks.

Adunay mga pulis ang namatay ug nasamdan sa kunuhay suicide bombing attack.


Gilayong niresponde ang SWAT TEAM ug EOD team sa DCPO aron i-clear ang blast site aron dili na masundan ang pagpamomba.

Gikordon sa kapulisan ang area aron wala nay madamay pang mga sibilyan.

Giimbestigahan sa Regional Crime Laboratory Office (RCLO) ang crime scene.

Sumala ni DCPO spokesperson Capt. Nolan Tagsip nga nikasa sila sa maong aktibidad aron bansayon ang mga awtoridad human sa nahitabong suicide bombing sa Basulta, Sulu diin ang perpetrator nisulay og sulod sa detachment sa militar.

Samtang, matud ni Police Col. Alexander Tagum labaw sa DCPO nga subay sa gipahigayong SIMEX preparado gayod ang kapulisan sa worst case scenarios ug pinaagi niini ilahang maimprobar ug mapalig-on nila ang seguridad dinhi sa syudad batok sa mga threat groups.

RadyoMaN Aimee Guinita

Facebook Comments