Kapulisan sa probinsya, padayon ang pagmonitor sa palibot ilabi na sa padangatayng bag-ong tuig

21

Padayon nga gamonitor ang kapulisan sa probinsya sa Bukidnon sa kaluwasan sa usag-usa ilabi na nga padangat ang bag-ong tuig.

Kini ang gibutyag ni PMaj. Jiselle Longakit, Information Officer sa Police Provincial Office (PPO)-Bukidnon atol sa interview sa RMN DXMB Malaybalay.

Sumala niya nga mapasalamaton sila tungod kay nagmalinawon ang pagsaulog sa kapaskuhan. Boot pasabot niana nga walay natala nga mga related cases sa illegal possession of firearms, mga naigo sa stray bullet, mga nabuthan sa pabuto ug uban pa.


Dugang ni PMaj. Longakit nga padayon silang magamonitor sa lihok sa katawhan hangtud sa pagsaulog sa bag-ong tuig.

Dugang usab ni PMaj. Longakit nga dakog kaayog katabang sa zero case sa fireworks-related incident sa milabayng pasko ug uban pa ang padayon nga pagdiseminar og mga impormasyon sa kapulisan ug sa Department of Health (DOH) kabahin na usab sa mga gidili nga mga aktibidades panahon sa pasko ug bag-ong tuig.

Dugang pa nga istrikto usab nga gi-implementar sa kapulisan sa Bukidnon ang Executive Order no. 28 kon ang pagregulate sa mga ginadili nga pabuto ug mga pyrotechnic Devices.



Mapanghinauton usab si Pmaj. Longakit nga magmalinawon usab ang pagsaulog sa bag-ong tuig nga layo sa disgrasya ilabi na sa mga insidente sa pagkabuthan sa pabuto ug uban pa.

Facebook Comments