Kapulisan sa syudad sa Pagadian andam na sa pagsugat sa bag-ong tuig

74

Pagadian City – Andam na ang tropa sa Pagadian City Police sa paghatag og siguridad sa pagsugat sa bag-ong tuig. Sumala kang Police Lt. Col. Parson Asadil ang hepe sa Pagadian City Police Station, han-ay na ang ilang deployment plan aron matutukan ang pagbantay sa siguridad sa mga residente ug mga dumuduong sa syudad.
Gibahin ang elemento sa kapulisan ngadto sa pipila ka grupo ug gitahasan na sa ilang kaakohan aron sigurado nga mabantayan ang 54 ka barangay. Dunay nakamotorsiklo ug may pwersa usab nga sakay sa patrol car nga maoy mosusi sa palibot.
Hugtanong gidili sa syudad ang pagpaboto ug firecrackers ug pagpamaligya niini. Nanawagan usab si Lt. Col. Asadel sa publiko nga mag-amping sa pagsugat sa bag-ong tuig ug likayan nga madisgrasya gumikan sa mga pabuto.
Awhag usab niini sa publiko nga tabangan ang kapulisan sa pagbantay sa siguridad pinaagi sa pagpabiling mabinantayon sa palibot ug magpakabana sa unsa mang mahitabo sa kumyunidad
Panghinaut man usab sa kapulisan nga magpabiling hapsay ug malinawon ang pagsugat sa bag-ong tuig ug walay unsa mang kakulian nga mahitabo.

Facebook Comments