Kapuyo ug pamilya sa 41 anyos nga gidunggab patay sa silingan, desididong mupasang-at ug kaso

15

General Santos City–Desidido gyud ang kapuyo sa 41 anyos nga si Robert Sioting, residenti sa Diamond Valley, Barangay Tambler, Gensan kansa biktima sa pagpanunggab patay nga kasuhan ang suspek sa krimen nga si Ian Pialago, residenti sa Block 3, Doamond valley, Barangay Tambler Gensan.

Sumala ni Gabriel, live in partner sa biktima nga Hustisya ang ilang gipangayo karon sa kamatayon niini gumikan dili makatarunganon ang gihimo sa suspek ngadto sa nasampit.

Una nang gidunggab sa suspek ang biktima samtang kini nagbaktas lang padulong sa ilang panimalay. Nakaangkon ug samad ang biktima sa iyang abaga ug sa iyang ulo nga hinungdan sa iyang kamatayon.

Gihingusgan pa ni Gabriel nga walay bingkil ang iyang kapuyo ug ang suspek nga posibleng hinungdan sa pagpanunggab. Walay rason nga sila magbingkil tungod wala man sila gauban bisag sila magsilingan lang.

Gani gibutyag pa ni Gabriel nga bag-uhay lang niabot sa ilang lugar ang suspek human nga gidala kini sa ilang silingan. Wala usab siya magdahum nga kini pa nag mupatay sa iyang kapuyo.

Facebook Comments