Davao City – Gi-awhag sa Department of Interior and Local Government (DILG) ang Local Government Units (LGUs) nga magbaton og ordinansa sa pag ban sa karaoke o videoke karong holiday season, sa Pasko ug Bag-ong Tuig aron kalikayan ang Coronavirus Disease 2019 (COVID-19) transmission.
Sa interbyu sa DXDC RMN Davao kang Alex Roldan, DILG-XI Regional Director gibutyag niini nga walay problema kung miyembro lang sa pamilya ang mag karaoke ug dili iapil ang silingan ug mga indibidwal gikan sa gawas nga posible’ng magdala sa maong balatian.
“Ang atong ginabawal ana kanang mag gathering, mag karaoke tungod kay kabalo na man ‘ta nga ini’g sing-al nimo diha muderitso man na sa imong mga kauban nga nagtapok. So, (mas maayo) kung ikaw ra isa or kamo lang sa imong pamilya nga walay laing tao nga makasagol,” matud ni Roldan.
Gi-awhag sad DILG-XI Regional Director ang Davaoeños nga sabton ang mga lakang sa gobyerno batok sa COVID-19 ug isakripisyo una ang mass gatherings karong holiday season isip tabang sa padayong kampanya sa gobyerno batok sa COVID-19.
RadyoMaN Kirby Manzon
