USA – Matapos ang masobra duha ka tuig, nakakas na gid man ang goma sang salakyan sa liug sang elk sa Colorado, USA.
Suno sa wildlife officials sa Colorado, sang nakaligad nga Oktubre 9 madinalag-on nila nga nakakas ang nasambitan nga kariton nga sablag sa paghulag sang nasambitan nga elk.
Matandaan nga sang tuig – 2019 sang una nakit-an ang elk okun wapiti nga isa ka dako nga sahe sang usa nga may nabutang nga kariton sa liug sini tubtob nga ini ang liwat nakit-an sang mga tawo sini lamang gani nga gin-report sa mga otoridad.
Nakit-an ini sang mga opisyal nga nagalumbayag kaupod pa ang indi magnubo sa 40 ka mga elk.
Agud nga mapakalma kag hilway nga makuha ang kariton, nag-usar ang mga otoridad sang tranquilizer okun pampatulog.
📷 – web
Facebook Comments
