Pagadian City – Gibalhin na usab sa kadumalahan sa Pagadian City Civil Registrar ang lugar kun asa pagahimoon ang Kasalan ng Bayan karung adlawa.
Sumala ni Paulita Sergas sa buhatan sa City Civil Registrar ugma sa alas 8:00 sa buntag ipahigayon ang maong kalihukan diha sa City Commercial Center kun C3 Mall.
Mahinumduman nga nauktaba ang maong aktibidad gumikan sa bagyong basyang nga himoon unta atul sa pagsa-ulog sa Adlaw sa Kasing-kasing.
Base sa natala sa buhatan sa City Civil Registrar nga adunay 83 ka kaparisan ang lauman nga motambong maong selebrasyon.
Nasayran nga halos tanang Local Government Units nagpahigayon sa libreng kasalan ng bayan dili lamang sa bulan sa kasing-kasing apan bulan usab kini sa pagsaulog sa Civil Registration month.
