Kaso han tipdas ha Region 8 padayon an paglobo, 11 patay

TACLOBAN CITY – Padayon pa an paglobo han mga nagkakasakit hin tipdas ha Region 8 ha pagdeklara hin measles outbreak.

Subay han datos tikang ha Department Of Health (DOH) Regional Office 8, as of February 1 lunes, umabot na ha 11 an patay, an pinaka latest nga namatay in unom kabulan nga baby tikang ha San Miguel, Leyte.

Padayon an pagmonitor han DOH ha 268 nga tawo nga apektado han tipdas.


Pinakadamo nga kaso in tikang ha Tacloban City (64 cases), Palo (20) cases, Burauen (19 cases), Dagami (14 cases) ngan Ormoc City (8) cases.

An mga namatay naman in tikang ha Palo (4) Tacloban (3) ngan tag-usa tikang ha Dagami, Pastrana, ngan San Miguel ha Leyte ngan Gandara ha Samar.

Sumala kan dr. Minerva Molon, DOH Regional Director, bibisitahon han buhatan an mga areas nga mayada damo nga kaso hin tipdas para magdumara hin immunization.

Nagkakahadlok la gihapon an mga nanay nga pabakunahan iton ira mga anak tungod han kontrobersiya han dengvaxia pero pagklaro han DOH, magka-iba an dengvaxia vaccine ha measles vaccine.

Facebook Comments