Kaso it HIV-AIDS sa Aklan nagsaka, 11 bag-ong na diagnose

23

Kalibo, Aklan – Padayon makaron rong pag-inabo it kaso it HIV-AIDS sa Aklan.
Suno kay Dr. Cornelio “Bong” Cuachon Jr., Provincial Health Officer 1 nga base sa andang rekord umpisa Enero 1984 hasta Marso 2019 may 215 eon ka kaso it nasambit nga masakit iya sa probinsya it Aklan.
Umpisa man Enero hasta Marso makaron nga dag-on may una nga 11 ka mga bag-ong na diagnose nga may HIV-ADIS samtang rong Western Visayas hay may kabilugan nga kaso nga 3,254 ro naharekord kung sa siin ko Marso 2019 may una nga 49 ka mga adolescence rong bag-o nga na diagnose nga nagapang edaron it 10 anyos hasta 19 anyos.
Do rason suno kay Cuachon kon ham-an madasig ro pag inabo it kaso it HIV-AIDS hay ro multiple sexual partners, Men having Sex with Men (MSM) kaeakip eon kara ro mga Bisexual nga pwede makipag sex sa babaye ag sa eaeaki.
Iya sa Aklan, may namonitor nga kaso nga 111 ukon 52% sa men having sex with men, 66 ro sa bisexual ukon 31% nga kon sumahon hay almost 83% it kaso hay ro sa mga MSM samtang 35 ka kaso mat-a ro para sa Heterosexual (16%) ukon ro eaeaki sa babaye.
Ro mga banwa nga may pinakamaabong kaso hay ro banwa it Kalibo nga may 65 ag Malay nga may 41 ka kaso.
Sa numero nga 215, ro may maabong kaso kara hay sa mga eaeaki nga nag-abot sa 203 ukon 94% samtang sa mga babaye hay 12 eamang ukon 6% rong affected.
Dugang pa ni Cuachon nga bukon eamang it HIV-AIDS ro nagatinaas iya sa Aklan kundi pati man ro mga Sexually Transmitted Diseases (STD) ag ro Teenage Pregnancy.
Para malikawan raya suno kay Cuachon hay sundon eamang raya:
A- ukon abstinence, makipagsex eamang sa asaw; B- maging faithful sa sangka partner eamang; C- mag gamit it Condom kung sa siin sambilog sa pamaagi para malikawan nga matapnan; D-indi mag gamit it drugs kapin gina inject; ag E – hay ara sa Equipment nga dapat likawan ro pag gamit it mga disposable nga dagom ag dapat naka sterile ro mga gamit sa pagpa tattoo ukon acupuncture.

Facebook Comments

From Advertisers