Kaso nga ipasaka batok sa mga rebeldeng NPA nga misulong sa Binuangan Municipal Police Station Misamis Oriental, gihan-ay na.

Kamulo pa nga gihan-ay sa kapolisan ang mga kasong ipasaka batok sa mga rebelde nga misulong sa Binuangan, Municipal Police station Misamis Oriental niadtong adlawng Dominggo.
Kini ang gikompirma ni Police Senior Supt. Rolando Destura, ang Misamis Oriental Police Provincial Director.
Matud ni Senior Supt. Destura nga nagpabilin pa usab nga naka-confine sa hospital ang usa ka polis nga samaran sa tiil, atol sa engkwentro.
Hinoon gipasalig ni Senior Supt. Destura nga dili na madugay, ila ng mapasaka ang maong kaso.
Dugang pa sa maong opisyal nga sa karon samot nila nga gipalig-on ang ilang security preparation ug padayon ang ilang pagserbisyo sa katawhan sa Misamis Oriental.
.
By: Radyoman Aiza Mishelle-Enloran

Facebook Comments