Kaso ni Ebreo ipaagi sa due process suno sa PNP chief

BACOLOD CITY – ( Update ) Wala nagakahulugan nga guilty na gilayon ang isa ka opisyal kon ini ang hingadlan sang presidente nga involve sa illegal drugs.

Ini ang pahayag ni Philippine National Police, PNP Chief Director General Oscar Albayalde angut sa natabo kay Bacolod City Police Office, City Director Police S/Supt. Francisco Ebreo, Jr. nga gin-dismiss sa pwesto ni Pres. Duterte.

Nagapasalig si Albayalde nga mahatagan sang due process si Ebreo kag nagsiling nga wala ini sa drug watchlists sang PNP kag wala man mismo sa listahan sang presidente.


Apang, iya ginklaro nga ang pangulo ang may yara sang iya kaugalingon nga source of information.

Suno kay Albayalde nga pagahatagan niya sang kahigayunan kag ti-on si Ebreo nga makapaathag sang iya bahin angut sa akusasyon batuk sa iya.

Sa pihak nga bahin, indi naman madayon ang natalana kuntani nga pagpadulong sa Malacañang nanday Ebreo kag sang apat ka iban pa gid nga police officer nga ginhinambit sang pangulo nga involve sa illegal drugs./dyHB BACOLOD

Facebook Comments