Kaso sa pagpamusil sa PS3 gipa-imbistigahan ni Col. Lagradante

15

General Santos City–Gimanduan na ni Police Col. Aden Lagradante ang city director sa General Santos City Police Office ang hepe sa Police Station 3 nga palawman ang imbistigasyon kabahin na sa ulahing pagpamusil sa iyahang area of responsibility kung diin nabiktima ang usa ka Anthony Ian Aliscain, 34 anyos nga nanimuyo sa Rivera St. Barangay Lagao ning syudad alas 4:20 ang takna sa hapon sa NLSA Road, Barangay Lagao atubangan sa Trade School.

Sumala pa ni Col. Lagradante nga basi matud pa sa report kaniya sa COP sa Station 3, kanhing pinireso ang nahisgutang biktima ug bag-ohay lang nakagawas sa bilanguan.


Dugang pa ni Col. Lagradante nga usa usab kini ka drug personality sa kapulisan apan iyahang gipaklaro nga bisan unsa pa ang background sa nasangpit nga biktima gikinahanglan gihapon kini imbistigahan ug sikon ang mga responsable sa pagpamusil kaniya.

Sa kasamtangan nagpabalin pa sa talandugonong kahimtang ang nahisgutan nga biktima sulod sa usa ka pribado nga balay tambalanan ning syudad. (Dave Silagan)

Facebook Comments

From Advertisers