Kaso sa quarry ni Mayor Moreno, nadismiss!

Gidismiss karon sa opisina sa Ombudsman ang criminal ug administrative nga mga kaso nga gipasaka sa usa ka negosyante kontra kang Mayor Oscar Moreno kauban ang lain pang 18 ka mga personahe nga may kalambigitan sa permiso sa pag quarry nga nahatag sa lain pang negosyante sa may barangay Balulang.

Falsification ug violation sa mining act ug apil na ang grave abuse of authority ang giakusa sa negosyante nga si Reynaldo Zarate niadtong Dec. 10, 2015. Pinaagi sa usa aka resolosyon nga giaprubahan ni Ombudsman Conchita Carpio Morales, si Deputy Ombudsman for Mindanao Rodolfo Elman ang mibasura sa maong complaint gumikan sa kakulangon niini sa ebidensya.

Lusot na si Moreno sa ombudsman kauban si City Local Environment and Natural Resources officer Edwin Dael ug daghan pang uban. Bisan pa man niini ang Ombudsman ang matud pa wala miaprobar sa pakyas nga pagtubag ni Moreno ug Dael sa complaint ni Zarate sulod sa 15 ka adlaw human ang negosyante misulat sa city hall aron sa pagpangayo ug update sa iyang application sa quarry permit.


Kini matud pa nakasupak sa Code of Conduct and Ethical Standards for public officials and employees.

Facebook Comments