Kaso sang balatian nga dengue sa South Cotabato naglab-ot na sa 251 kag isa narekord nga patay subong nga tuig.

35

Nakarecord na sang 251 ka kaso kag isa ang patay sa balatian nga dengue ang South Cotabato base sa datos sang Provincial Epidemiology and Sruveillance Unit halin Enero tubtob Pebrero 21 subong nga tuig.
Ang nasambit nga kaso ang manubo sang 69 porsyento kumparar sang nagligad nga tuig kag yara naman sa lima ka bulan tubtob 89-anyos ang naigo sang nasambit nga balatian.
Samtang ang narekord nga patay ang halin naman sa Brgy. Edwards sa banwa sang T`boli, South Cotabato.
Nagapanguna naman sa may madamo nga kaso sang dengue ang syudad sang Koronadal may 52, Polomolok-37, Tupi -36, Banga -31, Tantangan – 30, Surallah -20, T`boli-15, Norala – 11, Tampakan – 8, Lake Sebu – 6 kag Sto, Nino- 5.
Yara naman sa 15 ka mga barangay ang may clustering of cases ukon may-yara sang 3 ukon masobra pa nga kaso sa magaksunod nga apat ka semana sa diin sa syudad sang Koronadal amo ang mga barangays sang San Isidro, Zone 3 kag GPS, Polomolok Poblacion, Cannery Site kag Magsaysay, sa Tupi, Brgy. Poblacion kag Bunao, Banga-Benitez Poblacion, Lamba, kag Reyes Poblacion, Tantangan – New Iloilo, Dumadalig kag Bukay Pait, Surallah Libertad Poblacion kag Poblacion naman sang Norala.
May-angot sini, padayon ang pagpang-awhag sang pamunuan sang Integrated Provincial Health Office sang South Cotabato sa mga pumuluyo nga ipatuman ang search and destroy.
Samtang aprobado naman sang mga katapo sang Sangguniang Panlalawigan sa ginpatigayon nila nga regular session kahapon nga adlaw ang PDRRMC resolution no. 1 series of 2020 nga paglift na sang deklarasyon sang state of calamity tungod sa dengue outbreak sa probinsya sang nagligad nga tuig.

Facebook Comments