Kaso sang covid-19 sa WV nadugangan sang 105 subong nga adlaw, 38 ang naghalin sa Bacolod kag 28 sa Negros Occidental

17

Nadugangan sang 105 kag bag-o nga kaso sang coronavirus disease 2019 ang Western Visayas subong nga Biyernes, Agosto 21, 2020.

Suno sa Department of Health Western Visayas, nagapanguna sa may pinakadamo nga kaso sa rehiyon ang syudad sang Bacolod nga may 38 ka kaso.


Ginsundan naman ini sang Negros Occidental kag syudad sang Iloilo nga may tig-28 ka kaso samtang 11 naman sa probinsya sang Iloilo.

103 sa mga nasambit nga kaso ang local cases, isa ang authorized person outside residence (APOR) kag isa man ang locally stranded individual (LSI).

Sa mga recoveries, siyam ang nag-ayo sa Bacolod, apat sa Iloilo province kag tatlo sa Capiz.

Duha naman ang dugang nga napatay sa Bacolod kag isa sa Iloilo City.




Nagsaka na sa kabilugan nga 3,257 ang kaso sang balati-an sa rehiyon kon sa diin 1,746 ang active cases.

Nadugangan sang 16 ang naka-recover rason nga nagsaka sa 1,458 ang total recoveries.

Yara naman sa 53 ang total deaths matapos magdugang ang tatlo ka pasyente nga nagtaliwan sa COVID-19.

[image: image.png] [image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments