Kaso sang road crash sa South Cotabato naglab-ot na sa masobra 500, 35 narekord nga patay sang first quarter sang tuig.

24

Naglab-ot sa masobra 500 ang narekord nga kaso sang disgrasya sa dalanon dire sa probinsya sang South Cotabato sang first quarter subong nga tuig base sa datos sang Police Provincial Office.
Suno kay Police Lt. Col. Marvin Duadua sang South Cotabato PPO sang bulan sang Enero may-yara sang 150, Pebrero – 173 kag sang bulan sang Marso – 183 nga kadam-an sa imbolbado ang motorsiklo kag nagakatabo kon adlaw.
Sa nasambit nga datos yara naman sa 35 ang nabawian sang kabuhi ukon isa sa kada tatlo ka adlaw ang napatay sa disgrasya sa dalanon nga ang rason tungod sa overspeeding kag self-accident.
Nagakatabo naman suno pa ang disgrasya sa dalanon sa national highway kag provincial roads.
May-angot sini, suno kay Duadua nagapatigayon sang training sa mga drivers ang mga road safety advocates dire sa probinsya upod na ang PNP agud malikawan ang disgrasya.
Samtang dapat man suno sa iya nga ipaidalom gid sa seminar ang mga nagakuha sang driver’s license agud nga mahibaluan man sang mga ini ang nabutang nga road signs.

Facebook Comments

From Advertisers