Kasong giatubang nilang board member Elipe ug Gov Emano, gibasura na sa Ombudsman

PC: RadyoMaN Lovelyrose Sambaan

Gibasura na sa Office of the Ombudsman ang kasong malversation, abuse of authority ug grave misconduct nga gipasaka ni Ernesto Molina batok nilang board member Prexy Elipe ug Gov. Yevgeny Emano.

 

Kini human makumbinsir ang Ombudsman nga dili supak sa balaod ang pag-appoint kang Elipe isip General Manager sa Misamis Oriental Integrated Sports Complex o MOISC.

 

Matud ni Atty Melchor Cubillo, dugay na kining nahatagan sa disisyon apan ulahi nilang nadawat ang maong kopya.


 

Sa iyang bahin, gibutyag ni board member Elipe nga nagtoo kining usa ka political harassment nga hinimoan sa ilang kaatbang sa politika ang pagpasaka’g kaso ni Molina.

 

Samtang, gibutyag usab ni Gov. Emano nga plano nilang sumbalikan sa pag-kaso si Molina apan gihatag na niini kang Atty. Cubillo ang proseso.

Facebook Comments