Kasong murder gipasaka batok sa suspek sa pagpatay sa grade 11 student

458

Davao City- Kasong murder ang giduso ngadto sa piskalya batok sa suspek sa pagpatay sa 15 anyos nga grade 11 student.

Giila ni Police Col. Kirby John Kraft, Davao City Police Office City Director ang suspek nga si Rizaly Ocay alyas “Tawing”, lesbian girlfriend sa biktima. Selos ang gilantaw nga motibo sa suspek sa pagdunggab-patay sa dalagita.

“May pinanggalingan itong suspek at victim at noong pauwi na nagtalo. Walang ibang involved. Tumakas ito at nahuli natin sa follow-up operation,” sumala ni Kraft.


Nag-request ang Bunawan PNP sa Regional Crime Laboratory Office XI og autopsy sa patay’ ng lawas.

Niadtong Martes April 27, 2021, alas 6:30 sa buntag napalgan sa mga residente nga wala nay kinabuhi ug adunay samad dinunggaban sa tiyan ang dalagita duol sa may kanal sa Purok Taurus, Tambongon-Bucana Road, Lasang, Davao City.

Ulahing nakitang buhi ang biktima niadtong Lunes bandang alas-11 sa gabii Abril 26, 2021 kauban ang suspek gikan kini nitambong og birthday.



Samtang, Sa interview sa DXDC RMN Davao sa inahan sa biktima, nananghid ang iyang anak nga maghatud og module sa eskwelahan bandang alas 12:00 sa udto.

Gisaysay sa inahan nga nagkaistorya pa sila sa chat ug naghangyo kini nga dili i-lock ang pultahan kay mouli kini sa ilang balay niadtong gabhiona. Wala nasayod ang inahan nga motambong kini og birthday. Hustisya ang panawagan sa pamilya sa gipatay nga biktima.


RadyoMaN Aimee Guinita

Facebook Comments