KASUHAN|Apohan sa 6 anyos nga batang lalaki nga gimolestya sa iyang ig-agaw desididong kasuhan ang suspek

10

General Santos City–Kasuko ang gibati sa apuhan sa 6 anyos nga batang lalaki kansa gimolestya sa suspetsadong 17 anyos nga batan-ong lalaki nga ig-agaw ra sa biktima didto mismo sa ilang panimalay sa Barangay Apopong, Gensan.

Sumala sa Apohan nga iyang gipabantayan sa suspek nga si Alyas Bong ang 6 anyos niini nga apo tungod duna syay giadto sa Purok Olaer, Barangay Apopong.

Apan pagbalik niini naghilak na ang iyang apo ug nisumbong nga gihilabtan matud pa sa suspek ang iyang pribadong parti sa lawas.

Gibutyag usab sa apohan sa biktima nga wala gyud siya magdahum nga himuon sa suspek ang pag molestya sa iyang apo.Sumala niini nga dihang misumbong kaniya ang bata dawsa nangurog matud pa ang iyang lawas sa tumang kasuko.

Iya pang gibutyag nga hilabihan niya ka pinangga ang iyang apo, tungod niini human niyang nasayran ang gihimo sa suspek sa 6 anyos nga minor de edad iya dayon kining gipadakop aron nga mapriso.

Facebook Comments