Katabang napalgang patay

Davao City – Nakaplagang wala nay kinabuhi si Marlou Garing 21 anyos, helper, lumad nga taga Gov. Generoso Davao Oriental ug kasamtangan nga nagpuyo sa Barangay Ma-a Davao City alas singko sa kabuntagon.

Sa blotter sa Talomo PNP, nadiskubrihan ang patay’ng lawas sa biktima ni Milbert Llanto 30 anyos kaubang katabang sa namatay.

Sulod sa gipahuwayang kwarto ibabaw sa katre nakita ang biktima nga wala na maginhawa sa dihang ilang gipukaw.


Daling mirespondi ang Medical Team sa central 911 human nangayo’g tabang ang mga kauban sa biktima apan wala na kini kinabuhi.

Nagtuo ang homicide section sa Talomo nga giurom ang biktima tungod kay walay nakita nga timailhan sa foul play ang mga inbestigador sulod sa lawak.

Gidala na sa Angel Funeral Parlor ang patay nga lawas sa biktima ug girekomendar sa kapulisan nga ipailalom kini sa autopsy aron masiguro ang hinungdan sa kamatayon.

Kasamang Erin Lumosbog

Facebook Comments