Katawhan sa brgy. Luyuran ug Sitog, nanawagan sa lokal nga opisyal sa lungsod sa katipunan nga hatagan pagtagad ang ilang dalan.

Daghanan pa karon nga mga barangay road sakop sa lungsod sa katipunan ang padayon nga ginareklamo sa mga katawhan nga nanimuyo sa maong mga dapit tungod sa kabati sa ilang mga agian nga dalan.

Matod pa sa mga residente nga nagka gamay na ang dalan ug daghan kaayong mga sagbot nga daw sa wala hatagi ug pagtagad sa lokal nga pang gamhanan.

Usa sa mga gereklamo nga dalan mao ang padulong sa brgy. Sitog tungod sa kahagip-ot sa dalan ug walay kanal nga agian sa tubig hinungdan kung mag ulan mahitak ug pagka daghan sa mga libaong.
Samtang sa brgy. Luyuran hapit na matod pa maputol ang ilang dalan ug natabunan ang mga culvert, maong kung mag-ulan daw sapa ang ilang dalan.


Naghinaot ang mga molupyo sa maong dapit nga mahatagan pagtagad sa ilang lokal nga opisyal aron sa ingon hapsay ang ilang transportasyon ilabi na kung adunay abot gikan sa ilang uma maayo ang byahe ug dili sila maglisod kun kini ilang dad-on sa sentrong bahin.

Facebook Comments