Katawhan sa Davao gipasidan-an sa active faults

32

Davao City – Gipasabot sa DOST-PHIVOLCS ngadto sa publiko ang pagpangandam nga himuon ilabina kadtong mga panimalay o mga gambalay nga nahimutang sa mga active faults sa Davao City.

Sa interbyu sa RMN Davao kang DOST Undersecretary ug PHIVOLCS OIC
Renato U. Solidum, Jr. nga nagpahigayon sila og walk the fault sa Barangay Bago Oshiro ug Mintal diin parte kini sa Lacson ug Dacudao fault.


Sumala ni Solidum nga nagbutang sila og markings ug flags sa maong mga lugar diin nahimutang ang mga faults.

“Nagkaroon tayo ng awareness campaign sa Barangay Bago Oshiro at Mintal. Pinauwa natin sa kanila kung ano iyong fault, paano nagkakaroon ng fault, ano ang mga panganib na naidudulot nga fault,” matud ni Solidum.

Giawhag sa opisyal ang mga lugar nga anaa nakatungtong sa fault nga ang lokal nga panggamhanan o mga enhenyero sa mga pamaagi aron mapalig-on ang ilahang mga panimalay o establisyemento.

Gibutyag ni Solidum nga kung mamahimo 5 meters away sa fault magmuntar og mga gambalay.

Mamahimong mahibaw-an pinaagi sa Phivolcs Fault Finder online kung ang inyong area anaa o duol usab sa fault.

Pahimangno sa PHIVOLCS sa publiko nga dili gihapon magkumpyansa bisan pa man og layo sa active faults busa kanunay nga mangandam ug seryusohon ang mga Earthquake drills.

RadyoMaN Aimee Guinita

Facebook Comments

From Advertisers