Katawhan sa South Cotabato indi magpanic kon nahibaluan ang himuon agud malikan ang Omicron, suno sa Provincial Health Officer.

20
Wala sang dapat nga ikapanic ang publiko bisan may kaso na sang Omicron variant sang COVID-19 ang South Cotabato kon nahibaluan ang himuon agud indi malatnan sang virus. Ini ang pahayag ni Provincial Health Officer Dr. Rogelio Aturdido Jr.
Ginkumpirmar ni Dr. Aturdido nga base sa ila datos ang 15-anyos nga taga-Polomolok nga nagpositibo sa Omicron variant sang bulan pa sang Disyembre ang asymptomic kag nakarekober na.
Dugang pa niya nga wala sang history of travel sa gwa sang South Cotabato ang pasyenti.
Nagpaidalom suno pa sa swab test ang pamilya sang Disyembre 2 tungod kinahanglan sa ila nga byahe kag napadala sa Philippine Genome Center ang swab sample kag sang naggwa ang resulta nagpositibo ang 15-anyos sa Omicron.
Samtang sa pihak nga nagnegatibo ang 15-anyos sa pagpareswab suno kay Dr. Aturdido ginkumpleto sini ang 14-days quarantine.
Suno kay Dr. Aturdido ang Omicron variant ang mild kumparar sa delta variant nga ang masami nga sintomas pagkatol sang tutunlan (sore throat) kag sip-on (runny nose, stuffy nose).nga kapareho lamang sang trangkaso
Apang suno sa provincial health officer indi magkumpyansa kag kon may sintomas ang ang mag-isolate na.
Facebook Comments