‘Katumanan sa saad’- Balak Attack sa Kuskos Batikos

22

Walay kabutangan sa ilang kalipay

Pulis kang Digong di na makamahay

Saad nga natuman nawala ang kalaay

Nahingpit na gayud ang pagkahayahay.

Gikan sa ubos ug pinakataas nga ranggo

Katunga ang giumento sa ilang sweldo

Wala pay labot sa ubang mga benepisyo

Hinaot mga pulis dili na gyud magtinunto.

Malaumon ang mayoriya sa katawhan

Pulis magbinut-an sa ilang katungdanan

Balaod sa tinud-anay unta ipatuman

Aron magmalinawon kining katilingban.

Walay laing tumong si President Duterte

Ipahimutang ang organisasyon sa PNP

Ayaw na ninyo mansahi inyong uniporme

Hinaot ang korapsyon inyo kining iwakle.

RadyoMaN Erin Lumosbog

Facebook Comments