Kawat miulbo sa Bajada, estudyante nabiktima

Davao City – Kapin P40-mil ang kantidad sa mga gamit ang nakawat sa wala mailhing suspitsado human nabiktima ang estudyante nga usa ka Syed Khadeer Pasha, 21-anyos, nagpuyo sa Mineral Village Bajada, Brgy. 19-B, siyudad sa Davao.

Saysay ni Pasha ngadto sa kapolisan nga pasado alas-12:00 sa udto samtang didto sa iyang pinuy-anan iya nalang nadiskubrehan nga nahanaw na iyang mga personal nga butang sama sa usa ka unit nga laptop, cellphone, relo, speaker ug usa ka ophthalmoscope.

Matud pa abtik nga nakasibat ang suspect niadtong tungora sa wala matinong direksiyon.


Sa karon ginaimbestigahan na sa kapolisan ang maong insidente gani ginasusi na ang maong lugar kun duna bay gimuntar nga CCTV alang sa pag-ila sa maong suspetsado.

RadyoMaN Don Pulayao

Facebook Comments